Tubu di roha, pinahusor dipingkiran.
Martahi ma roha, ima gabe sangkap jala sintasinta.
Dung gabe sintasinta sai niula ma siulaon, binahen nasa gogo anggiat sintasinta i jumpang laho palas roha.
Ganup jolma adong be do sangkap jala sintasinta ni rohana, suang songoni punguan dohot bangso sai marsintasinta do naeng jumpang ngolu na lam tu dengganna.
Punguan ni Sitorus na adong di 38 Sektor di Kota Medan on, marsada ma i di Punguan Kota Madya Medan, digoari ma: Parsadaan Toga Raja Sitorus dohot Boruna (PTRS & B) Kota Medan.
Marsada jala marsiurupan do saluhut pomparan ni Sitorus na adong di Kota Medan on jumpa adong angka las ni roha manang parungkilon pe. Suang songoni di Ulaon Las ni roha isara ni Pesta Natal dohot Taon Baru marpungu do na 38 Sektor on di sada inganan.
Nunga na nia lelengna sai diparsintasinta punguan on asa adong sada inganan parjumpangan, isara ni Kantor manang jabu na laos huhut boi inganan mar Kantor pengurus Kota Medan.
Di Pesta Natal 2009 lam dipatangkas do sintasinta i, sude do mangolophon asa manigor adong nian Kantor Sekretariat Punguan Raja Sitorus Kota Medan.
Di Pesta Natal 2010, saut ma Dibentuk jala dilantik Panitia Pengadaan Sarana Kantor Punguan Raja Sitorus & Boru Kota Medan.
Manigor hatop jala hiras do Panitia mangula ulaon i na ni Ketuaan ni Amanta Ir. Washinton Sitorus patupa perencanaan laho pasauthon tahi i.
Marhite asi ni roha ni Tuhan i dohot hasadaon ni roha tarlumobi ungkap ni roha ni pomparan ni Sitorus dohot boruna, rade do pajolohon tumpakna laho pasauthon tahi i.
Nunga saut be jumpang naung leleng taparsinta i, ima sada inganan bahen Kantor. Nunga tatuhor sada Ruko (Rumah Toko) na mar ukuran 4 X 15 m ( 3 lantai) maringanan di Jl. Bahagia By Pass (Ruko No. 4) Medan.
Marhite on ma husososhon hami ma tu hita saluhutna, sude ma hita manumpahi laho patukhon panggararan ni Ruko i. Laos tajaha ma di Blog on barita dohot Surat Edaran taringot tu Kantor Sekretariat i.
Horas.
Panitia.
Tidak ada komentar:
Posting Komentar